Hættu hjá þessum lýtalækni maður

Bandaríska raunveruleikastjarnan Heidi Montag, sem komst í heimsfréttirnar þegar hún lét gera tíu fegrunaraðgerðir á sér í einu og sá síðan þvílíkt eftir öllu saman, hélt upp á 25 ára afmælið sitt á skemmtistað í Las Vegas um helgina.

Heidi, sem varð þekkt andlit eftir þátttöku sína í þáttunum The Hills sem sýndir eru á MTV sjónvarpstöðinni, vill nú nýta sína reynslu til að vara ungar stúlkur við að leggjast undir hnífinn.

Heidi viðurkennir að hún vilji fátt annað en gamla útlitið aftur en getur ekki hugsað sér að fara í fleiri aðgerðir svo hún ætlar að láta sér lynda að vera áfram í brjóstastærð DDD.

Meðfylgjandi má sjá myndir af Heidi fyrir aðgerðirnar og úr afmælispartýinu þar sem hún fagnaði með eiginmanni sínum, Spencer Pratt, 28 ára.