Umferðaróhöpp dagsins

Vel á annan tug árekstra varð á Reykjavíkursvæðinu í dag, samkvæmt upplýsingum frá www.arekstur.is.

Meðal annars varð harkalegur árekstur á gatnamótum Kringlumýrarbrautar og Miklubrautar um klukkan fjögur í dag. Um aftanákeyrslu var að ræða en einn var fluttur með sjúkrabíl á slysavörslu. Bílarnir voru mikið skemmdir.

Í Þingholtunum varð mikill árekstur um þrjú leytið. Farþegar sluppu ómeiddir, en bílarnir voru mjög illa farnir og þurfti að flytja þá burt með krana.

Þriggja bíla árekstur varð á Bústaðarveginum um fjögur leytið. Engan sakaði.

Bíll ók á vegrið á milli Mosfellsbæjar og Reykjavíkur um klukkan hálf sjö. Allir innanborðs sluppu ómeiddir og bíllinn var í ökufæru ásigkomulagi eftir byltuna.

Loks voru þrjú tilvik í dag þar sem minni háttar árekstur varð en ökumaður keyrði af vettvangi með það sama. Í öllum tilvikunum náðu vitni númeri bílsins sem ók á braut. Í kjölfarið var haft samband við www.arekstur.is, sem taka þá að sér að hafa upp á viðkomandi og leysa málið.

Árekstur.is er fyrirtæki sem fylgist með umferð borgarinnar og fer á vettvang þar sem umferðaróhöpp hafa orðið. Allir starfsmenn fyrirtækisins eru lögreglumenn með langa reynslu af vinnu þar sem umferðaslys og umferðaróhöpp hafa átt sér stað. Þeir eru og vel þjálfaðir skyndihjálparmenn og vanir að takast á við erfið mál og stjórna vettvöngum þar sem óhöpp hafa orðið.