Gagnrýnir hefðarfólk

Fatahönnuðurinn Karl Lagerfeld er lítið hrifinn af tískustraumum þeim sem viðgangast meðal bresks hefðarfólks. Hann segir fötin óklæðileg og ósmekkleg.

Í nýlegu viðtali var Lagerfeld spurður út í brúðkaup Vilhjálms Bretaprins og Kötu og kjólana sem gestirnir klæddust við það tilefni og sparaði hönnuðurinn ekki stóru orðin. „Léleg snið, ljótir hattar og allt of stutt pils á feitum fótleggjum. En konungsfólkið er mikið í tísku í dag, ekki satt? Þetta er afturhvarf til gamalla tíma. Fólki finnst þau spennandi,“ sagði Lagerfeld sem stýrir bæði hinum virtu tískuhúsum Chanel og Fendi auk eigin línu, Karl Lagerfeld.