Fjölhæfi fjölmiðlamaðurinn Nilli

Fjölmiðlamaðurinn Nilli hefur vakið mikla athygli fyrir skelegga framkomu sína upp á síðkastið. Hann hlaut þó ekki náð fyrir augum þeirra sem stóðu að vali Sjónvarpsmanns ársins, en hann var valinn í gær. „Ég er búinn að leggja mig allan fram hérna,“ sagði Nilli í samtali við Breka Logason fréttamann.

Nilli er fjölhæfur fjölmiðlamaður sem hefur vakið mikla athygli fyrir skelegga framkomu sína á mbl.is að undanförnu. Hann hefur rætt við jafn ólíka menn og Kristján Jóhannsson og Ásgeir Kolbeinsson. „Síðasti þáttur sem ég tók upp var Ólafur Darri og við töluðum um hitt og þetta. Við vorum svolítið að bera saman raddir okkar," sagði Nilli. Hann viðurkennir þó að þeir félagarnir eru ekki með mjög líkar raddir.