150 bíómiðar gefnir á Vísi

Vísir stendur þessa vikuna fyrir Facebook-leik í samvinnu við Sambíóin. Tilefnið er frumsýning spennumyndarinnar I am Number Four.

75 heppnir þátttakendur sem svara öllum fimm spurningum rétt fá miða fyrir tvo á sérstaka forsýningu myndarinnar í Egilshöll á fimmtudagskvöld, 17. febrúar.

Leikurinn er á slóðinni visir.is/vinagetraun. Hann er sáraeinfaldur og spurningarnar fimm í léttari kantinum. Til þess að taka þátt þarf að gerast vinur Vísis á Facebook.

Vinningshafar verða dregnir út á miðvikudag. Munu þeir fá tilkynningu í tölvupósti og geta þeir þá nálgast miðana í afgreiðslu 365 í Skaftahlíð.

Leikstjóri I am Number Four er DJ Caruso og framleiðandi hennar er Transformers-leikstjórinn Michael Bay. Aðalhlutverkið er í höndum Alex Pettyfer en hann leikur óvenjulegan ungling sem er á flótta undan miskunnarlausum óvinum sem vilja hann feigan.

Kíkið á sýnishornið úr myndinni hér fyrir ofan og takið síðan þátt í leiknum.