Suðurlandsvegur enn lokaður

Suðurlandsvegi hefur verið lokað í báðar áttir við Vík og austan við Skálm vegna hlaups í Múlakvísl og mögulegs goss í Kötlu. Engar hjáleiðir eru mögulegar, nema Fjallabaksleið, að sögn lögreglunnar á Hvolsvelli.

Eins og greint var frá í morgun er brúin yfir Múlakvísl farin. Miklir vatnavextir eru í Múlakvísl og Skálm að sögn lögreglunnar. Við segjum nánar frá gangi mála eftir því sem líður á daginn.

Hafi fólk verið á svæðinu og tekið áhugaverðar myndir er unnt að senda þær á frettir@stod2.is