Alli Abstrakt lenti í þriðja sæti

Alli Abstrakt, sem heitir réttu nafni Alexander Jarl Abu-Samrah, lenti í þriðja sæti í norrænu rappkeppninni Rap It Up sem var haldin í Stokkhólmi á föstudaginn.

Með Alla á sviðinu var aðstoðarrapparinn G.Marís og stóðu þeir sig með prýði en urðu að lúta í lægra haldi fyrir heimamanninum Adam Kanyama. Eins og komið hefur fram í Fréttablaðinu er Alli, sem er hálfur Palestínumaður, að undirbúa sína fyrstu rappplötu og vonast hann til að klára hana fyrir jól. - þeb, fb