Landhelgisgæslan hóf leit að strandveiðibáti

Landhelgisgæslan boðaði út um klukkan hálf fimm í nótt björgunarskip og björgunarbáta Slysavarnafélagsins á Austfjörðum, nærstadda báta og þyrlu Landhelgisgæslunnar vegna strandveiðibáts sem hvarf úr ferilvöktun við Barðsneshorn og ekki náðist talstöðvarsamband við. 

Um klukkan fimm barst tilkynning frá manni í landi sem heyrt hafði tilraunir Landhelgisgæslunnar við að ná í bátinn um að hann sæi hann 1 sjómílu austur af Barðsneshorni og ekkert virtist ama að. 

Samband náðist við skipverja sem staðfestu að allt væri í lagi um borð og var leit þá afturkölluð.