Innlent

Tryggvi Þór spyr hver tilgangurinn sé með framboði Hönnu Birnu

Tryggvi Þór Herbertsson, þingmaður Sjálfstæðisflokksins, segist hafa átt von á nýjum áherslum frá Hönnu Birnu fremur en að kjör formanns myndi bara snúast um persónur.
Tryggvi Þór Herbertsson, þingmaður Sjálfstæðisflokksins, segist hafa átt von á nýjum áherslum frá Hönnu Birnu fremur en að kjör formanns myndi bara snúast um persónur.
Tryggvi Þór Herbertsson, þingmaður Sjálfstæðisflokksins í Norðausturkjördæmi, spyr hver tilgangurinn sé með framboði Hönnu Birnu Kristjánsdóttur í embætti formanns Sjálfstæðisflokksins og segir að sagan sýnir að hún geti ekki náð betri árangri í kosningum en sitjandi formaður.

Tryggvi Þór var gestur Sigurjóns M. Egilssonar í þættinum Sprengisandi á Bylgjunni í morgun. Talið barst að væntanlegum landsfundi flokksins sem fram fer í Laugardalshöll 17.-20. nóvember næstkomandi, en Tryggvi Þór sagðist ekki skilja tilganginn með framboði Hönnu Birnu Kristjánsdóttur í embætti formanns gegn sitjandi formanni, Bjarna Benediktssyni.

„Ég hélt að þegar þessi orðrómur (um framboð Hönnu Birnu innsk.blm) fór af stað að þetta yrði miklu meira uppgjör um pólitík. Hver er tilgangurinn með því að fara nú fram bara vegna þess að hún trúir því að hún geti gert þetta betur. Sagan sýnir að það er bara ekki rétt. Þróun fylgis flokksins í borginni er mjög mikil vonbrigði og mér finnst hún vera að stökkva út úr því og inn í þetta og segist geta gert þetta betur en Bjarni. Ég hef bara enga trú á því og þess vegna styð ég Bjarna algjörlega, sagði Tryggvi Þór.

Hann sagðist hafa haldið að Hanna Birna myndi kynna nýjar áherslur fyrir flokkinn. „Þegar hún er spurð að því hverju hún ætli að beita sér fyrir, þá tekur hún bara áherslur sem við höfum verið að kynna t.d varðandi skattana og uppbyggingu og segir; þetta eru mín mál, en þetta eru óvart Bjarna mál," sagði Tryggvi Þór Herbertsson, þingmaður Sjálfstæðisflokksins, í þættinum Sprengisandi á Bylgjunni í morgun.


Tengdar fréttir

Hanna Birna: Hagsmunum okkar best borgið utan ESB

„Um leið og það finnur kraftinn, vonina og tækifærin sem hér eru kemur fólk aftur,“ sagði Hanna Birna Kristjánsdóttir, sem tilkynnti það í dag að hún ætlaði að fara í framboð til formanns Sjálfstæðisflokksins, aðspurð hvort að hún myndi berjast fyrir því að fá þá þúsundir Íslendinga sem hafa flust af landi brott aftur heim.

Helmingur lýsti ekki yfir stuðningi við Bjarna

Helmingur þingmanna Sjálfstæðisflokksins var ekki tilbúinn að lýsa yfir stuðningi við Bjarna Benediktsson til formennsku í flokknum þegar fréttastofa kannaði málið í dag.

Hanna Birna býður sig fram

Hanna Birna Kristjánsdóttir, oddviti Sjálfstæðisflokksins í borgarstjórn, ætlar að bjóða sig fram til formanns Sjálfstæðisflokksins á landsfundi hans sem hefst eftir tvær vikur. Hann Birna mun tilkynna þetta síðar í dag, samkvæmt heimildum fréttastofu Stöðvar 2 og Vísis. Í skoðanakönnunum sem hafa verið gerðar á fylgi Hönnu Birnu mælist hún með umtalsvert meira fylgi en aðrir mögulegir frambjóðendur. Þeirra á meðal er Bjarni Benediktsson, núverandi formaður flokksins.

Brýnasta verkefnið að lækka skatta - Yfirlýsing Hönnu Birnu

„Ég trúi því að framboð mitt styrki stöðu Sjálfstæðisflokksins í næstu kosningum. Formannskjörið snýst einfaldlega um það, hver sé líklegastur til að leiða okkur sjálfstæðismenn til sigurs í næstu kosningum. Með sigri getum við rofið kyrrstöðuna sem hvílir eins og mara á þjóðinni," segir Hanna Birna Kristjánsdóttir, oddviti borgarstjórnarflokks Sjálfstæðisflokksins, í yfirlýsingu sem hún sendi frá sér rétt í þessu vegna framboðs síns til formanns Sjálfstæðisflokksins.

Snýst um aðferðir en ekki pólitíska stefnu

Hanna Birna Kristjánsdóttir, oddviti Sjálfstæðisflokksins í borgarstjórn, hefur lýst yfir framboði gegn sitjandi formanni flokksins, Bjarna Benediktssyni, á landsfundi sem haldinn verður 17. nóvember. Hanna Birna er fyrsta konan sem sækist eftir formennsku í flokknum í 82 ára sögu hans.

Mest lesið


Fleiri fréttir

Sjá meira


×

Mest lesið