Jóhanna verður sjálfkjörin formaður

Jóhanna Sigurðardóttir verður sjálfkjörin formaður Samfylkingarinnar á Landsfundi flokksins sem nú er haldin í Valsheimilinu að Hlíðarenda.

Formannskjörið fer fram á milli klukkan ellefu og tólf og hafði ekkert annað framboð borist, en framboðsfrestur rann út núna klukkan níu. Landsfundurinn hófst í gær með setningarráðu formannsins sem meðal annars sagði að aðildarviðræðum við Evrópusambandið verði að ljúka fyrir næstu þingkosningar.

Þá mun Dagur B. Eggertsson varaformaður flokksins einnig gefa kost á sér áfram í embætti en kosið verður til varaformanns á morgun. Yfirskrift fundarins er jöfnuður, atvinna og velferð