Blautur bolur Margeirs í verðlaun

Það var mikið fjör í hinu árlega Airwaves-partýi plötusnúðsins Margeirs í Bláa lóninu síðastliðinn laugardag. Fjöldi fólks mætti á svæðið og náði veislan ákveðnum hápunkti þegar Margeir lét sig falla yfir hópinn úti í lóninu sem bar hann út yfir vatnið.

Vefsíðan Live Project, sem fór hamförum um helgina og birti hundruði mynda og myndbanda frá hátíðinni, hefur nú nælt sér í bolinn sem Margeir klæddist á þessari skemmtilegu mynd og ætlar að gefa einhverjum heppnum sem tekur þátt í leik á síðunni.

Þeir sem hafa áhuga geta smellt "Like" á Facebook-síðu Live Project og eru þeir þá komnir í pottinn. Því er lofað að bolurinn sé ennþá blautur og með kísil úr Bláa lóninu síðan á laugardag.