Eflaust fyrstu „plankararnir“ - myndin tekin árið 1984

Nýjasta æðið hjá unga fólkinu þessa dagana er að taka mynd af sér „planka.“ Æðið byrjaði þegar nokkrir útlenskir piltar byrjuðu að taka myndir af sér liggjandi á hinum ýmsu stöðum og settu inn á Facebook-síðu sína fyrir nokkrum mánuðum síðan. Það barst svo til Íslands og hefur breiðst hratt út á meðal ungs fólks sem keppir við að taka myndir af sér liggjandi á skrýtnum stöðum.

Á meðal þeirra sem hefur „plankað“ hér á landi er Guðni Ágústsson, fyrrverandi ráðherra og formaður Framsóknarflokksins.

Fréttavefurinn Feykir.is birti í gær mynd af starfsmönnum á Borginni sem voru að „planka“ árið 1984. Þó að óskráðar reglur í plankinu sé að liggja á maganum, þá fóru strákarnir á Borginni aðra leið og lágu á bakinu. Hvort það væri löglegt í dag, skal ósagt látið, en myndin er sniðug.