Bifreið valt við Þjórsárbrú

Ungur karlmaður missti stjórn á bifreið sinn í lausamöl rétt austan við Þjórsárbrú um hálfáttaleytið í morgun með þeim afleiðingum að bíllinn fór útaf veginum og valt. Ökumaðurinn var einn í bílnum og slapp með minniháttar meiðsli en bifreiðin er ónýt.

Þrír ökumenn voru teknir grunaðir um ölvunarakstur á höfuðborgarsvæðinu í nótt og voru þrír til viðbótar stöðvaðir þar fyrir að keyra réttindalausir.

Þá hafði Lögreglan á Akureyri afskipti af tveimur ökumönnum. Annar var grunaður um akstur undir áhrifum fíkniefna og hinn ölvunarakstur.

Nóttin var að öðru leyti afar róleg hjá lögregluembættum landsins og slökkviliði.