Fjögur innbrot tilkynnt til lögreglunnar

Fjögur innbrot voru tilkynnt til lögreglunnar á höfuðborgarsvæðinu í nótt, en þjófarnir komust undan í öllum tilvikum.

Í golfskálanum á Hvaleyrarholti reyndu þjófar á ná niður stórum flatskjá, en lögðu á flótta áður en það hafði tekist. Fyrr í vikunni var brotist inn í sama skála og öðrum flatskjá stolið, og leikur grunur á að sömu þjófar hafi ætlað að sækja hinn í nótt.

Þá var brotist inn á skrifstofu kirkjugarða Hafnarfjarðar og þaðan stolið tölvum. Skjávarpa var stolið úr framhaldsskólanum í Mosfellsbæ og svo var brotist inn í Skalla við Ögurhvarf, og einhverju stolið þaðan.