Jói Fel stöðvar sölu á kryddköku

Jói Fel hefur ákveðið að stöðva sölu á og innkalla kryddkökur frá Jóa Fel þar sem heslihneta er ekki getið í innihaldslýsingu og líklegt er að varan innihaldi snefil af jarðhnetum. Ákvörðunin er tekin í samráði við matvælaeftirlit Heilbrigðiseftirlits Reykjavíkur. Varan er skaðlaus fyrir þá sem ekki eru viðkvæmir fyrir heslihnetum, jarðhnetum og afurðum úr þeim.

Þeir neytendur sem eiga umrædda vöru og eru viðkvæmir fyrir heslihnetum, jarðhnetum og afurðum úr þeim eru beðnir um að farga henni eða skila í næstu verslun Hjá Jóa Fel gegn endurgreiðslu.