Fjarlægði niðrandi ummæli um Egil Ólafsson

Ofurbloggarinn og ritstjórinn Jónas Kristjánsson hefur fjarlægt umdeildar færslur af vef sínum þar sem hann líkti söngvaranum Agli Ólafssyni við áróðursmeistara þriðja ríkisins Jósef Göbbels. Ástæðan voru auglýsingar hins síðarnefnda í aðdraganda Icesave kosningana þar sem hann fjallaði um þrælkun íslenskra barna í breskum kolanámum og varaði við því að Já við Icesave jafngilti því að selja börnin í ánauð.

Egill, sem gerði garðinn frægan með Stuðmönnum og Spilverki Þjóðanna á sínum tíma, fór fram á það að Jónas bæði hann afsökunar ella færi hann í meiðyrðamál. Það hefur Jónas ekki gert en hins vegar eru færslurnar umdeildu horfnar af vef hans.