Benedikt Gröndal jarðsunginn á föstudag

Útför Benedikts Gröndal, fyrrverandi forsætisráðherra, fer fram á vegum ríkisins næstkomandi föstudag klukkan 13 frá Dómkirkjunni í Reykjavík. Benedikt lést 20. júlí, 86 ára að aldri.

Benedikt kom víða við. Hann stundaði háskólanám við Harvard-háskóla í Bandaríkjunum og framhaldsnám í Oxford. Hann var sem blaðamaður, fréttastjóri og var ritstjóri Alþýðublaðsins á árunum 1959-1969. Benedikt var formaður Alþýðuflokksins frá 1974-1980 og sat á þingi frá 1956-1982. Hann gegndi embætti utanríkisráðherra og forsætisráðherra á árunum 1979-1980 og var síðar sendiherra í Svíþjóð, Austurlöndum og hjá Sameinuðu þjóðunum í New York.

Faðir Benedikts var Sigurður Gröndal og móðir hans Mikkelína María Sveinsdóttir. Eiginkona Benedikts heitir Heidi Gröndal og áttu þau saman þrjá syni.