Sjóvá gaf löggunni myndavélar

Lögreglan á höfuðborgarsvæðinu hefur fengið sex myndavélar að gjöf frá Sjóvá. Gjöfin var afhent í síðustu viku í tilefni af 50 ára afmælis umferðardeildar lögreglunnar en þeim tímamótum var fagnað fyrr í sumar. Myndavélarnar koma að mjög góðum notum en þær verða notaðar við umferðarlöggæslu, að því er fram kemur á vef lögreglunnar.

Það var Lárus Ásgeirsson, forstjóri Sjóvá, sem afhenti myndavélarnar í höfuðstöðvum lögreglunnar á höfuðborgarsvæðinu í síðustu viku. Við það tilefni sagði Lárus meðal annars að það væru sameiginlegir hagsmunir allra að lögreglan geti unnið störf sín af nákvæmni og nýtt nýjustu tækni hverju sinni.