Ólafur Örn nýr bæjarstjóri Ölfuss

Ólafur Örn Ólafsson er nýr bæjarstjóri Ölfuss. Alls sóttu 30 aðilar um starfs bæjararstjóra og sá Capacent um ráðningarferlið. Ákveðið var að ganga til viðræðna við Ólaf Örn og liggur nú samkomulag þess efnis að hann gegni stöðu bæjarstjóra félagsins næstu fjögur árin.

Ólafur Örn mun hefja störf 5. ágúst næst komandi. Hann er 52 ára að aldri, kvæntur Ásu Ólafsdóttir og eiga þau fjögur börn. Hann er viðskiptafræðingur af endurskoðunarsviði og hefur undanfarin ár starfað sem bæjarstjóri í Grindavík. Hann var áður forstöðumaður Eimskip Canada Inc. með aðsetur í St. John's á Nýfundnalandi.

„Bæjarstjórn lýsir yfir mikilli ánægju með ráðningu Ólafs Arnars og væntir mikils af störfum hans í þágu samfélagsins í Ölfusi," segir í tilkynningu á vefsíðu sveitarfélagsins.