Sif á leið til landsins

Flugvél Landhelgisgæslunnar TF-Sif er væntanleg til Reykjavíkur í kvöld en

undanfarin mánuð hefur flugvélin sinnt mengunareftirliti á Mexíkóflóa fyrir bandarísku strandgæsluna og BP, British Petroleum. Sif stoppar þó stutt við hér á landi því um næstu helgi verður haldið til Dakar í Senegal þar sem flugvélin mun sinna á eftirliti fyrir Frontex, landamærastofnun Evrópusambandsins.

Yfirumsjón með framkvæmd mengunareftirlits á Mexíkóflóa er í höndum bandarísku strandgæslunnar sem Landhelgisgæslan hefur lengi átt í góðu samstarfi við, að því er fram kemur í tilkynningu frá Landhelgisgæslunni. TF-Sif var fengin til að leysa af flugvél samgöngustofnunar Kanada við verkið. Sú flugvél er sömu tegundar og Sif en báðar eru þær útbúnar öflugum hliðarradar sem er sérhannaður fyrir mengunareftirlit. Verkefni TF-Sif hefur falist í að kortleggja olíumengun á svæðinu suður af New Orleans.