Amfetamínsmygl: Konurnar áfram í varðhaldi

Hæstiréttur staðfesti í dag áframhaldandi gæsluvarðhaldsúrskurð Héraðsdóms Reykjavíkur yfir tveimur konum sem voru handteknar 17. júní síðastliðinn á Seyðisfirði.

Konurnar, sem eru þýskir ríkisborgarar en fæddar í Rússlandi og Kasakstan, voru handteknar þegar þær komu með Norrænu á Seyðisfjörð á þjóðhátíðardaginn. Í bensíntanki bíls þeirra voru 20 lítrar af amfetamínbasa en með vökvanum er hægt að framleiða allt upp í 264 kíló af amfetamíni.

Konurnar verða í varðhaldi til föstudagsins 27. ágúst næstkomandi.