Karl Berndsen gefur út konubók

25. október 2010 17:45

Útlitsráðgjafinn og sjónvarpsmaðurinn vinsæli Karl Berndsen sendir nú frá sér sína fyrstu bók og ber hún heitið VAXI-n - Finndu hvað fer þér best.

Karl hefur um árabil starfað á sviði tísku- og fegurðar sem hárgreiðslumeistari og förðunarfræðingur, jafnt með heimsfrægum fyrirsætum, kvikmyndastjörnum og íslenskum þokkadísum.

Bókin hefur að geyma ýmsan fróðleik og gagnlegar upplýsingar sem Karl hefur safnað að sér á sínum fjölbreytilega ferli. Hann leggur ríka áherslu á að sérhver kona finni sinn eigin stíl og klæði sig í samræmi við það hvernig hún er VAXI-n.

Titill bókarinnar vísar einmitt til vaxtarlags kvenna sem skipt er í fjóra meginflokka. Konum er kennt að þekkja vaxtarlag sitt útfrá bókstöfunum og hvernig skal klæða sig samkvæmt því. Þannig þarf að miða fataval við ákveðin hlutföll og jafnvægislist sem hann kynnir hér til sögunnar.

Bókin er væntanleg í verslanir í byrjun nóvember og er hún sérlega tileinkuð þeim fjölmörgu konum sem nota eingöngu um 20% af fötunum sínum!

Textaskrif er í höndum Steinunnar Þorvaldsdóttur. Útgefandi: Beauty Bar.

Meðfylgjandi má sjá myndir sem teknar voru 22. september síðastliðinn þegar Karl Berndsen fagnaði áframhaldandi sigurgöngu sjónvarpsþáttarins Nýju útliti sem sýndur er á Skjá einum í húsakynnum Beauty Barsins, sem er hárgreiðslustofa Karls, staðsett í turninum við Höfðatorg í Borgartúni.

Tengdar fréttir

Karl Berndsen fagnar

Í gær fagnaði Karl Berndsen áframhaldandi sigurgöngu sjónvarpsþáttarins Nýju útliti sem sýndur er á Skjá einum í húsakynnum Beauty Barsins, sem er hárgreiðslustofa Karls, staðsett í turninum við Höfðatorg í Borgartúni. Ég fór að velta fyrir mér að ég yrði að þróast og þar sem að ég er ljón þá vildi ég náttúrulega hafa vit á öllu og ég hugsaði með mér ókei ég er með hárið á hreinu og meik upið svona ágætlega á hreinu. Ég vill vita meira um vaxtarlag kvenna," sagði Karl áður en hann sýndi gestum hvernig hann hefur skilgreint og flokkað vaxtarlag kvenna sem hann vinnur út frá í nýju útliti á auðveldan og jákvæðan máta. Á fyrstu myndinni í meðfylgjandi myndasafni má sjá hvernig Karl hefur skilgreint vaxtalag kvenna á fimm mismunandi vegu.

22. september 2010 08:30

Mest lesið

Fleiri fréttir

Tengdar fréttir

Mest lesið

Fleiri fréttir

Mest lesið

Tarot dagsins