Sakaður um framhjáhald

Leikarinn Ashton Kutcher er brjálaður þessa dagana því nú gengur sú kjaftasaga að hann haldi framhjá eiginkonu sinni, leikkonunni Demi Moore.

Snemma í morgun upplýsti tímaritið Star að vitni sáu Ashton kyssa ljóshærða unga konu og það innilega.

„Ég fékk sjokk við að sjá hann í hörkukerleríi við fallega unga konu sem var greinilega ekki Demi," er haft eftir vitni.

Star heldur því fram að hjónaband Demi og Ashton standi á brauðfótum.

„Alveg frá byrjun var Demi sagt að sambandið myndi aldrei ganga upp og að hann myndi pottþétt svíkja hana. Hún verður eyðilögð og gjörsamlega niðurbrotin þegar hún fréttir þetta," var jafnframt haft eftir heimildarmanni.