Munu ekki fara út í ólöglegar aðgerðir

„Meðan þeir halda sig inni á svæðinu sem slíku, teljum við okkur ekki getað gert neitt til að hindra þeirra för. Ef þeir fara út fyrir svæðið er viðbúið að við hindrum för bílsins," Anton Carrasco slökkviliðsmaður og verkfallsvörður á Húsavík. Anton er staddur á Aðaldalsfluvelli á Húsvík ásamt fimmtán til tuttugu örðum slökkviliðsmönnum.

Anton segist hafa verið að koma á staðinn en ekki sjáist í slökkviliðsbílinn, sem var fluttur á svæðið frá Bakka í morgun. „Við sjáum bílinn ekkert, það bendir til þess að hann sé inn í geymslu sem er hluti af öryggissvæðinu. Mér sýnist þetta vera þannig frágengið að það er hurð sitthvoru megin á húsinu, öðru megin liggur hún inn á flugvallarsvæðið og hinu megin út af því. Meðan þeir halda sig inn á svæðinu sem slíku, teljum við okkur ekki getað gert neitt til að hindra þeirra för. Ef þeir fara út fyrir svæðið er viðbúið að við hindrum för bílsins," segir Anton.

Hann segir að ekki verði farið út í neinar ólöglegar aðgerðir, til dæmis með því að fara inn á öryggissvæðið. „Þar erum við í órétti ef við komumst þangað." Hann segir að verkfallsverðirnir ætli að ræða við farþega og starfsmenn flugvallarins. „Við munum vera á svæðinu og reyna telja þá sem eru hér ofan af því að fara í varðstöðu. Við munum líka ræða við farþega og starfsmenn og gera þeim ljóst hvað við teljum að sé þarna í gangi."