Sjö teknir fyrir of hraðan akstur á Blönduósi

Lögreglan á Blönduósi hefur tekið sjö ökumenn fyrir of hraðan akstur í dag. Að sögn lögreglumanns hjá embættinu er búið að vera rólegt um helgina enda engin hátíð í nágrenni við sveitarfélagið. Sá sem ók hraðast í dag var á 118 kílómetra hraða og þá var einn tekinn á 105 kílómetra hraða. Umferðin hefur aukist síðustu klukkutíma og þá minnkar hraðinn á vegum landsins í kjölfarið.

Lögreglan á Sauðárkróki tók einn ökumann grunaðan um ölvun við akstur við hefðbundið eftirlit í Skagafirðinum í dag.