Lokuðust í lyftu

Slökkviliðsmenn aðstoðuðu fólk sem lokaðist inni í lyftu í húsi við Hverfisgötu í miðbæ Reykjavíkur á þriðja tímanum í nótt. Fólkið þurfti ekki að dúsa lengi í lyftunni því slökkviliðsmenn komu á staðinn skömmu eftir að það náði að láta vita af sér. Notaður var þartilgerður lykill til að opna lyftuna og amaði ekkert af fólkinu, samkvæmt upplýsingum sem fengust hjá varðstjóra.

Í gærkvöldi var tilkynnt eld í miðborginni og var dælubíll sendur á vettvang. Engin hætta reyndist vera á ferðinni en svo virðist sem að vegfarandi hafi misreiknað sig og talið bjarma frá útikerti í glugga vera eld.