Herða eftirlitið í höfuðborginni

Lögreglan á höfuðborgarsvæðinu verður með sérstakt eftirlit með eftirvögnum og skráningu og skráningarmerkjum ökutækja um helgina. Þá verður sérstakt hverfaeftirlit í umdæminu vegna þess hversu algeng innbrot eru alla jafna um verslunarmannahelgina.

Lögreglan beinir því til fólks sem hyggst halda burt af höfuðborgarsvæðinu um helgina að ganga tryggilega frá heimilum sínum og biðja nágranna að líta til með þeim. Gott sé að fá þá til að kveikja ljós, fjarlægja póst og leggja í bílastæði. - sh