Eyddu ekki meira en 300 þúsund krónum

Frambjóðendur Framsóknarflokksins í Reykjavík sem tóku þátt í forvali framsóknarmanna í Reykjavík sem haldið var 28. nóvember 2009 hafa skilað inn yfirlýsingu Ríkisendurskoðunar og staðfest að útgjöld fóru ekki yfir 300 þúsund krónur.

Fram kemur á heimsíðu Framsóknarflokksins að eini kostnaður frambjóðenda var við sameiginlegt kynningarblað sem gefið var út og sent á félagsmenn fyrir forvalið auk símakostnaðar. Allir frambjóðendur hafa staðfest að hafa ekki þegið styrki frá fyrirtækjum.

Framsóknarmenn í Reykjavík skora á frambjóðendur annarra flokka að gera grein fyrir kostnaði vegna prófkjara.