Fimm ára bið á enda

Hljómsveitin Leaves spilar á sínum fyrstu tónleikum í Bretlandi í fimm ár á fimmtudaginn í næstu viku.

Þá verður haldið norrænt tónleikakvöld á staðnum The Lexington undir yfirskriftinni Ja Ja Ja. Þar munu einnig koma fram Sudden Weather Change og norska sveitin Simon Says No! Þetta verða einnig fyrstu tónleikar Leaves erlendis í þrjú ár, eða síðan sveitin spilaði í Litháen árið 2007.

Söngvarinn Arnar Guðjónsson hlakkar mikið til að komast loksins út. „Algjörlega. Sérstaklega núna þegar það er svona rafmagnað andrúmsloft í Bretlandi. Þetta gæti ekki verið betra," segir hann og á þar að sjálfsögðu við Icesave-deiluna. - fb