Hjóli stolið af uppistandara

„Fundarlaun... ætli ég segi ekki bara þeim sem skilar mér hjólinu brandara," segir uppistandinn Þórdís Nadía en hjólinu hennar var stolið á menningarnótt. Þórdís hefur auglýst eftir hjólinu á Feisbúkk og hótar góðvinur hennar Halldór Halldórsson, eða Dóri DNA, að senda handrukkara á þjófinn - skili hann ekki hjólinu innan sólarhrings.

„Það er nú bara í gríni," segir Þórdís. „Þetta er bara mjög leiðinlegt mál. Ég keypti mér þetta hjól í sumar á 70 þúsund krónur og skildi það eftir fyrir utan húsnæði Listaháskólans við Sölvhólsgötu því ég var að vinna átján tíma vakt. Svo kem ég á sunnudeginum eftir menningarnótt og þá er hjólið horfið."

Þórdís er meðal þekktari uppistandari landsins og segist geta lofað öllum þeim sem hafi upplýsingar um hjólið að hún bregðist við á léttu nótunum.

„Mig langar bara að fá það aftur," segir Þórdis og tekur fram að það sé ekkert grín þegar hjólinu manns er stolið,