Blatter bað Englendinga afsökunar

Sepp Blatter, forseti FIFA, hefur beðið enska knattspyrnusambandið afsökunar vegna marksins fræga gegn Þýskalandi og segir að til greina komi að innleiða marklínutækni síðar.

England tapaði fyrir Þýskalandi, 4-1, í 16-ilða úrslitum HM í Þýskalandi um helgina. Í stöðunni 2-1 skoraði Frank Lampard mark sem var ekki dæmt gilt.

Lampard átti skot að marki sem hafnaði í slánni og fór inn fyrir marklínuna áður en boltinn skoppaði út úr markinu á ný.

„Það er augljóst að eftir þessa reynslu væri það fásinna að taka ekki upp umræðuna um marklínutækni á ný," sagði Blatter sem sagði að málið yrði tekið upp á fundi alþjóðanefndar FIFA í júlí.

Síðar sama dag skoraði Carlos Tevez ólöglegt mark fyrir Argentínu gegn Mexíkó. Markið var ólöglegt þar sem að Tevez var rangstæður en Blatter hefur einnig beðist afsökunar á því.