Hátt i 900 manns starfa hjá þekkingarsetrum

Efnahags- og menningarleg áhrif þekkingarsetra hér á landi eru umtalsverð. Hátt í 900 manns starfa í setrunum og heildartekjur þeirra í fyrra námu um fimm milljörðum króna. Þetta er á meðal þess sem fram kemur í áfangaskýrslu um þekkingarsetur á Íslandi en skýrsluna gerði starfshópur á vegum menntamálaráðherra. Skýrslan tekur til 189 setra um allt land og er skilgreint ríkisframlag um helmingur teknanna árið 2009. Sveitarfélögin leggja til 542 milljónir króna en sérstaka athygli vekur að aðrar tekjur voru um 40 prósent heildartekna eða tæpir 2 milljarðar.