BP setur öryggið á oddinn

Nýr forstjóri olíufyrirtækisins BP segir að olíuslysið í Mexíkóflóa sé viðvörun fyrir alla þá sem starfa í olíugeiranum. Hann segir að öryggisatriði verði nú á forgangslista fyrirtækisins.

Olíuslysið á Mexíkóflóa kostaði bandaríska skattgreiðendur um 10 milljónir bandaríkjadala. BP olíurisinn hefur einnig gefið út tölur um áætlað tap fyrirtækisins vegna málsins og kemur þar fram að fyrirtækið tapaði á öðrum ársfjórðungi um 17 billjónum bandaríkjadala auk þess sem sektir vegna mengunarslyssins nema um 32 billjónum bandaríkjadala. Þetta eru hæstu skaðabótakröfur í sögu bandaríkjanna.

Fyrirtækið hefur einnig lýst yfir að það muni selja eignir fyrir um 30 billjónir á næstu átján mánuðum til að eiga fyrir skaðabótakröfunum.

Nýr forstjóri fyrirtækisins, Bob Dudley, sagði í þættinum Good Morning America að hann gerði ekki ráð fyrir frekari olíuleka en bætti við að það yrði að loka holunni algjörlega til að enginn vafi væri uppi þess efnis.

Hann sagði jafnframt að öryggi yrði eitt af hans stærstu forgangsatriðum í starfi.