Hefner fráskilinn

Spennið beltin, stúlkur – því gamalmennið og Viagra-dólgurinn Hugh Hefner er fráskilinn eftir 21 árs hjónaband.

Hefner hefur skilið við eiginkonu sína, Kimberly Hefner, sem hann kvæntist árið 1989. Þau hafa reyndar ekki verið saman síðan 1998, en ekki gengið frá skilnaðinum fyrr en nú.

Hefner og Kim frestuðu því að skilja vegna þess að hún bjó í næsta húsi við höll hans í Kaliforníu og fékk reglulega vasapeninga frá honum. En eftir að hún lögsótti Hefner síðasta sumar og krafðist 5 milljóna dollara skaðabóta frá honum fyrir að brjóta samning ákvað hann að skera á strenginn.

Þó að Hefner sé búinn að vera með hring á puttanum öll þessi ár hefur hann ekki farið leynt með ástarsambönd sín við hinar og þessar laglegar ljóskur. Hann hætti nýlega með tvíburunum Kristinu og Karissu, en hefur haldið áfram að hitta fyrirsætuna Crystal Harris.