Slökkviliðsmenn gera kröfu um lækkun starfsaldurs

Ein af kröfum slökkviliðsmanna í kjaradeilu þeirra við sveitarfélögin samsvarar launahækkun upp á 18%. Krafan er að hámarksstarfsaldur slökkviliðsmanna verði lækkaður um 10 ár eða úr 70 árum og í 60 ár.

Samkvæmt heimildum Fréttastofu hefur launanefnd sveitarfélaganna reiknað það út að þetta muni auka launakostnað sveitarfélaganna um 18-20% á ári.

Fordæmi eru fyrir þessari kröfu en í kjarasamningum árið 2001 fengu lögreglumenn lækkun á sínum starfsaldri um 5 ár, það er frá 70 árum og niður í 65.