Útilokar ekki bensínlækkun

Ekki er útilokað að eldsneytisverð verði lækkað í dag, segir Hermann Guðmundsson, forstjóri N1. Heimsmarkaðsverð á olíu hefur lækkað umtalsvert liðna daga og fór tunnan á Norðursjávarolíu undir 70 dollara.

„Við erum auðvitað að skoða þetta á hverjum degi og ég á eftir að fá útreikninana núna hvernig staðan er eftir helgina, en mér sýndist svona við fyrstu sýn að það væri ekki útilokað," segir Hermann Guðmundsson. Hann segir að ákvörðun um lækkunina yrði tekin eftir hádegi í dag.

Hvorki fengust upplýsingar um málið frá Atlantsolíu né Skeljungi þegar leitað var eftir því í morgun.