Litháar fengu fimm ára dóm

Litháarnir sem sakfelldir voru í mansalsmálinu svonefnda voru dæmdir í fimm ára fangelsi hver. Dómur í málinu var kveðinn upp í lokuðu þinghaldi í héraðsdómi Reykjaness klukkan þrjú.

Þeir voru sakfelldir fyrir að hafa ætla að selja í vændi nítján ára litháaíska stúlku. Málið komst upp þegar stúlkan trylltist í flugvél á leið hingað til lands. Hún hefur vikum saman farið huldu höfði og mun hafa óttast mjög um líf sitt. Litháarnir fimm hafa undanfarna mánuði setið í gæsluvarðhaldi vegna málsins þar sem stúlkunni var talin stafa veruleg hætta af þeim.

Íslendingur sem líka var ákærður í málinu, var sýknaður.