Enn fundað í kjaradeilu

Slökkviliðs- og sjúkraflutningamenn sitja enn á fundi til að reyna að ná lendingu í kjaradeilu sinni áður en þriðja lota verkfalls þeirra hefst klukkan átta á morgun. Samkvæmt upplýsingum sem Vísir fékk frá samninganefnd Landssambands slökkviliðs- og sjúkraflutningamanna liggur ekkert fyrir um það hvenær fundinum lýkur.

Ljúki fundinum án niðurstöðu er ljóst að sextán klukkustunda verkfall á morgun verður að veruleika auk yfirvinnubanns. Þá er ljóst að sjúkraflutningar á milli bæjarfélaga leggjast af á meðan yfirvinnubann er í gildi.