Douglas þeytir skífum

Bandaríski plötusnúðurinn Lee Douglas þeytir skífum á Kaffibarnum í kvöld. Douglas hefur verið duglegur við að færa gömul, sjaldheyrð diskólög í nýjan búning. Hann er í tveimur öðrum hljómsveitum sem heita TBD og Stallions. Með honum í fyrrnefndu sveitinni er Justin Vandervolgen úr hljómsveitinni !!! sem hefur spilað á Airwaves-hátíðinni.

Andrew Hogge, eða Lovefingers, spilar með Douglas í Stallions. Það eru Haukur Heiðar Leifsson og Símon Ragnar úr dúóinu FKNHNDSM sem skipuleggja komu Douglas til landsins. Enginn aðgangseyrir er á tónleikana.