Sheen er góður vinur

Bandaríski leikarinn Charlie Sheen hefur tjáð sig um myndir sem náðust af honum læðast út af meðferðarheimili í dulargervi til að ræða við unga stúlku. Talsmaður Sheens gaf frá sér tilkynningu í gær þar sem atvikið er útskýrt.

„Konan sem um ræðir er systir eins meðferðarfélaga Sheens og hann fór að hitta hana sem lið af tólf spora kerfinu. Hann vissi að ljósmyndarar myndu veita honum eftirför og þess vegna setti hann á sig gerviskegg," sagði talsmaður leikarans. Mörgum þykir útskýringin þó heldur langsótt.