Alþjóðleg ráðstefna um áhrifin frá Eyjafjallajökli

Flugakademía Keilis stendur fyrir alþjóðlegri ráðstefnu um áhrif eldgossins í Eyjafjallajökli á flugumferð 15. til 16. september næstkomandi.

Fyrirlesurum frá Evrópu, Rússlandi, Kína og Bandaríkjunum hefur verið boðið til ráðstefnunnar, en þeir starfa hjá flugmálayfirvöldum, flugfélögum, flugvöllum og víðar.

Heiðursgestur ráðstefnunnar er flugstjórinn Eric Moody frá British Airways, en hann gat sér frægðar þegar hann flaug vélarvana 747 vél út úr öskuskýi yfir Jövu og lenti henni örugglega árið 1982.