ESB hefur þegar samþykkt aðildarviðræður við Íslendinga

Utanríkisráðherrar Evrópusambandsríkjanna eru búnir að samþykkja aðildarviðræður við Íslendinga, segir utanríkisráðherra Spánar í samtali við Daily Telegraph.

Ráðherrann segir að formlega verði ákvörðunin tekin á fimmtudaginn - 17. júní. En „það er í prinsippinu samkomulag í höfn um að hefja aðildarviðræður við Íslendinga," segir Miguel Angel Moratinos, utanríkisráðherra Spánar.

Daily Telegraph segir að Íslendingar séu þegar aðilar að NATO og Schengen og miklar líkur séu á að Ísland geti orðið aðili að ESB á undan ríkjum á borð við Tyrkland og Serbíu.