Pattinson finnur ástina

Nú er talið að leikarinn Robert Pattinson og Gossip Girl-stjarnan Leighton Meester séu að stinga saman nefjum. Meester hætti nýverið með kærasta sínum, en Pattinson hefur hingað til verið orðaður við leikkonuna Kristen Stewart. Nýlega sást til Pattinsons þar sem hann yfirgaf heimili Meester í New York snemma að morgni og sögðu sjónarvottar að hann hefði flýtt sér út úr húsinu inn í bíl sem beið fyrir utan.

„Leighton og Rob hafa átt í stuttu sambandi og eyða miklum tíma í að senda hvort öðru smáskilaboð. Hún talar við Rob næstum daglega og finnst þetta frábært," var haft eftir vini Meesters.