Til hamingju með MGMT

Önnur plata New York-sveitarinnar MGMT nefnist Congratulations, eða Til hamingju, og kemur út 13. apríl á vegum útgáfufyrirtækisins Columbia. Níu lög eru á plötunni, þar á meðal titillagið Congratulations og Brian Eno, sem heitir eftir samnefndum upptökustjóra og tónlistarmanni.

Einnig er á plötunni lagið Lady Dada"s Nightmare, sem er tileinkað söngkonunni Lady GaGa, og hið tólf mínútna Siberian Breaks. Fyrsta plata MGMT, Oracular Spectacular, fékk frábærar viðtökur bæði hjá gagnrýnendum og almenningi og bíða því margir spenntir eftir nýju afurðinni.