Dæmdur fyrir manndráp af gáleysi - ætlar ekki að áfrýja

Maður á fertugsaldri var í dag dæmdur í sex mánaða fangelsi fyrir manndráp af gáleysi. Maðurinn ók ölvaður á vitlausum vegarhelmingi á Grindavíkurvegi og lenti árekstri við bíl sem kom úr gagnstæðri átt.

Maðurinn slasaðist talsvert við áreksturinn en ökumaður hinnar bifreiðarinnar lést. Í dómnum kemur fram að maðurinn gekkst við sök undanbragðalaust og játaði þær sakir sem bornar voru á hann í ákæru.

Kristjáni B. Thorlacius, lögmaður mannsins, segir að skjólstæðingur hans muni una dómnum. Því verður honum ekki áfrýjað af hálfu hins dæmda. Fjórir mánuðir af þeim sex sem Héraðsdómur Reykjaness dæmdi honum til refsingar eru skilorðsbundir.