Miklir þurrkar í Rússlandi

Reykjarmóða liggur yfir Moskvu í Rússlandi vegna mikilla elda sem loga í landinu. Skyggnið er einungis nokkur hundruð metrar. Þetta veldur því að erfitt er að anda og læknar mæla með því að íbúar haldi sig innan dyra, segir í frétt BBC.

Stór hluti af vestur og mið Rússlandi glíma við alvarlega þurrka. Gróður er skraufaþurr á þessum slóðum vegna mestu hitabylgju, sem komið hefur síðan mælingar hófust fyrir 130 árum. Þúsundir manna hafa þurft að flýja svæðin.

28 hafa látist og 77 bæir hafa ýmist eyðilaggst eða skemmst af völdum eldanna.