Lárus Páll mótmælir fyrir framan sendiráð Bandaríkjanna

Mótmælandinn Lárus Páll Birgisson situr á stéttinni fyrir framan Bandaríska sendiráðið. Að sögn lögreglumanns sem er á vettvangi er verið að vísa honum af svæðinu. Hann situr sem fastast og er lögreglumaður að ræða við hann. „Þetta fer allt saman fram í rólegheitum," segir lögreglumaðurinn.

Lárus var fyrr í þessum mánuði dæmdur í Héraðsdómi Reykjavíkur fyrir að óhlýðnast fyrirmælum lögreglunnar þegar hann mómælti fyrir framan sendiráð Bandaríkjanna í október 2009.

Lögreglan kom þá á vettvang að beiðni sendiráðsstarfsmanna og skipaði Lárusi að fara yfir götuna og á gangstétt hinu megin við sendiráðið. Þessu hafnaði Lárus Páll og vildi meina að lögreglan hefði skert tjáninga- og ferðafrelsi sitt með fyrirmælunum. Hann var handtekinn í kjölfarið.

Hann var því fundinn sekur en honum var ekki gerð sérstök refsing.