Fjórar líkamsárásir í Reykjavík

Fjórar líkamsárásir voru kærðar til lögreglu í nótt. Tvær þeirra áttu sér stað í heimahúsum og tvær á miðborgarsvæðinu. Ekki er vitað til þess að neinn hafi meiðst alvarlega í þeim en tveir menn gistu fangageymslur vegna aðildar að þeim.

Lögreglan segir annars að nóttin hafi verið mjög annasöm og fangageymslur voru fylltar. Mikill mannfjöldi kom saman í miðborginni í nótt enda náðu Hinsegin dagar hámarki í gær. Fjórir voru teknir fyrir ölvunarakstur, þar af þrír sem óku án réttinda.