Setti lögreglumenn í stórhættu

Ökumaður bifhjóls var stöðvaður á Malarhöfða í Reykjavík í kvöld eftir að hafa verið veitt eftirför um Suðurlandsveg og Hellisheiðina. Samkvæmt upplýsingum frá lögreglunni á Selfossi veitti lögreglumaður sem var í eftirlitsflugi með þyrlusveit Landhelgisgæslunnar eftirtekt.

Hann lét annan lögreglumann á bifhjóli sem var við umferðareftirlit vita og veitti hann ökumanninum eftirför. Ökumaður bifhjólsins jók þá hraðann og var á tímabili kominn upp í allt að 200 kílómetra hraða á tímabili. Ökumaðurinn fór í gegnum tvær umferðarhindranir sem lögreglan setti upp fyrir hann og setti þannig lögreglumenn í stórhættu.

Ökumaðurinn endaði förina á Malarhöfða þar sem hann rann í götuna. Hann er núna í haldi lögreglunnar og verður skýrsla tekin af honum annað hvort í kvöld eða á morgun.