Ekið á gangandi vegfaranda - töluvert slasaður

Ekið var á gangandi vegfaranda á gatnamótum, Brekkugötu, Gránufélagsgötu og Oddeyrargötu á Akureyri klukkan tvö í dag. Samkvæmt upplýsingum frá Lögreglunni á Akureyri er talið að maðurinn hafi slasast töluvert en hann var með litla meðvitund þegar hann var fluttur á slysadeild.

Svo virðist sem ökumaðurinn hafi ekki séð vegfarandann en hámarkshraði á götunum er 30 kílómetra hraði. Talið er að hámarkshraðinn hafi verið virtur. Mikil umferð er um gatnamótin nú um helgina og biðlar lögregla til ökumanna að keyra varlega.